गायक रवि सुवेदीको कहिले माया उकाली… बोलको गीतको म्युजिक भिडियो छायांकन गरिएको छ । काठमाडौको विभिन्न रमणीय स्थानहरुमा छायांकन गरिएको उक्त गीतमा गीतकार शंकर ज्वालाको शब्द सृजना रहेको छ भने संगीत सुरेन्द्र श्रेष्ठको रहेको छ । आर्टिष्ट नेपालको प्रडक्सन रहेको भिडियोको माधव बेल्वासे सम्पादनमा रहनेछन ।
युवा निर्देशक नव ढुंगेलको निर्देशनमा तयार भएको भिडियोलाई अमृत सुनुवारले छायांकन गरेका छन् । सन्दीप भुजेलको नृत्य निर्देशन रहेको भिडियोमा स्वयं गायक रवि सुवेदी, मोडल सुजाता आचार्य तथा रंजित पौडलेको अभिनय रहेको छ । म्युजिक भिडियो छिट्टै बजारमा आउने गायक सुवेदीले जानकारी दिए । गायक सुवेदी एक दशक भन्दा लामो समयदेखी संगीत क्षेत्रमा सक्रिय छन् । उनले २ वटा सोलो एल्वम बजारमा ल्याइसकेका छन् । अमेरिकामा आफ्नो व्यापारमा व्यस्त रहेर पनि वर्षमा कम्तिमा २ पटक नेपाल आई विभिन्न सांगितीक कार्यक्रममा सहभागीता जनाउदै आएका छन् । यो पटकको नेपाल बसाईमा २ वटा म्यूजिक भिडियोको छायांकन तथा आधा दर्जन गीतहरुमा स्वर दिन भ्याएका छन ।