दुवै मृगौलाले काम नगरेपछि राजधानीको महाराजगञ्जस्थित त्रिभुवन विश्वविद्यालय शिक्षण अस्पतालमा डाईलासियस गरेर दैनिकी बिताइरहेका नेपाली लोकगितका चर्चित गायक तथा संगीत संयोजक पूर्ण गुरुङलाई आर्टिस्ट नेपालको संयोजकमा नेपाली अमेरिकन कलाकार संघ र रिबेल ईभेन्टले १ लाख नगद सहयोग गरेको छ । गायक गुरुङलाई कलाकार संघको तर्फबाट नायक बिक्रान्त बस्नेत र रेबेल ईभेन्टको तर्फबाट गायक राजेश हमालको उपस्थितीमा आर्टिस्ट नेपालका नब ढुंगेलले हस्पिटल प्राङगणमा उक्त रकम हस्तान्तरण गर्नुभएको हो ।
पप सम्राट ओमविक्रम बिष्टको उपचारको लागि अमेरिका स्थित न्यूयोर्कमा बिभिन्न साँस्कृतिक कार्यक्रम गरेर संकलित रकमबाट गायक गुरुङलाई पनि सहयोग प्रदान गरिएको हो । लोकप्रिय गायक ओमविक्रम बिष्ट पनि हाल अमेरिकामा मृगौला फेल भएर उपचार गराईरहेका छन ।
उपचार खर्चको अभावमा बसिरहेका कलाकारको लागि अमेरिकाको न्यूयोर्कमा बसोबास गर्ने बिभिन्न ब्यक्ती, कलाकार तथा संस्थालाई आर्थिक सहयोगको लागि नेपाली अमेरिकन कलाकार संघले आभार ब्यक्त गरेको छ ।
गुरुङ एरेन्ज गरेका ‘पानसमा बत्ति बालेको’ ‘दमौलीमा गेट’ लगायत गीत चर्चित छन । १० बर्ष पहिले नै मृगौला ट्रान्सफर गरेका गुरुङको फेरी मृगौला प्रत्यारोपण गर्नु पर्ने डक्टरको सल्लाह छ । थप उपचारका लागि अझै १२ देखि २० लाख रुपैयाँ लाग्छ । उक्त पैसा गुरुङसंग नभएपछि उनी सहयोगी हातहरुको पर्खाइमा रहेका छन ।
ईच्छुक महानुभावले आर्टिस्ट नेपाल मार्फत उहाँको थप उपचारको लागि सहयोग गर्नसक्नुहुनेछ । आर्टिस्ट नेपाल मार्फत उपचारमा सहयोग गर्नुहुने सहयोगीहरुको नाम र सहयोग रकम प्रकाशन गरिनेछ ।
