Filmy News news

चलचित्र म त तिम्रै हुँ निर्देशक श्रीराम महतको अर्को फिल्म बन्ने, टिका प्रशाईको आवाजमा गीत रेकर्ड संगै निर्माण घोषणा

निर्देशक श्रीराम महतको दोश्रो अन टाईटल प्रोजेक्टको लागि गीतको रेकर्डिङ्ग सम्पन्न भएको छ । उनले आईतबारको गीत रेकर्डिङ्ग संगै सिनेमाको निर्माण घोषणा समेत गरेका छन् । चर्चित नायक आकाश श्रेष्ठलाई नेपाली चलचित्रमा डेब्यु गराएर चर्चा कमाएका निर्देशक महतको पहिलो चलचित्र ‘म त तिम्रै हुँ’ नेपाली बक्स अफिसमा सफल मानिएको चलचित्र हो ।

एउटा चलचित्र निर्देशन पश्चात बिज्ञापन तथा डकुमेन्ट्रीमा ब्यस्त निर्देशक महतले बाकी रहेको समय यसै चलचित्रको तयारीमा व्यस्त रहेको बताए । म अब आफ्नै कथा मार्फत नयाँ सिनेमा लिएर आउंदै छु उनले भने । आइतबार राजधानीको नक्साल स्थीत एकेवस्टिक रेकर्डिङ्ग स्टुडियोमा महतको दोश्रो प्रोजेक्टको आईटम गीत रेकर्ड सम्पन्न भयो । नेपाली सांगीतिक आकाशमा चम्किएकि अहिलेका चर्चित गायिका टिका प्रशाईको आवाजमा रहने यस गीतलाई सिनेमा कै निर्माता तथा बरिष्ट गीतकार हिरा काजी थापाले लेखेका हुन, गीतमा शाहस शाक्यको एरेन्ज र नागेन्द्र श्रेष्ठको संगीत रहेको छ।

न्युन संख्यामा आइटम गीत गएकी गायिका टिका प्रशाईले यस गीत ‘सुनको बाला हातमा’ ले निकै राम्रो चर्चा पाउनेमा आफु ढुक्क रहेको बताईंन । मैले धेरै किसिमको गीत गएको छु तर यो सिनेमाको यस आइटम गीत भने मलाई फरक लाग्यो र मौलिक पनि छ आशा छ गीतको राम्रो चर्चा हुन्छ र यस गीतले सिनेमालाई पनि निकै राम्रो फाईदा गर्ने पक्का छ गायिका टिका प्रशाईले भनिन ।

कुल ४ गीत रहने यस अन टाईटल सिनेमा फुल लभ स्टोरीमा निर्माण हुने निर्देशक श्रीराम महतले बताए । केहि दिनमा नै औपचारिक जानकारी सहित सिनेमाको नाम सार्वजनिक गरिने बताउदै निर्देशक महतले यस सिनेमामा दुई नायिका रहने पनि खुलाए । नायक पनि हामीले बिचार गरिरहेका छौ तर यो बन्दबंदिले गर्दा हामी थप प्री प्रोडक्सनको काम लाई अघि बढाउन सकिरहेका छैनौ , यद्दपी दुई नायिका मध्ये एक जना पुरानै नायिका रहने छिन भने एक जना नायिका यस सिनेमा डेब्यु गर्नेछिन्, निर्देशक महतले भने ।