राजकुमारको कोशी कलेज

यस्तैमा नव प्रवेशीको भिडमा लोक दोहोरी गायक राजकुमार खड्काले पनि यस क्षेत्रमा पाइला टेकेका छन्

https://artistnepal.com/

https://artistnepal.com/

"

साँगितिक क्षेत्रलाई फराकिलो बनाउनका निम्ति लोक दोहोरी विधाका गायकहरुको विशेष योगदान रहेको पाइन्छ । यस्तैमा नव प्रवेशीको भिडमा लोक दोहोरी गायक राजकुमार खड्काले पनि यस क्षेत्रमा पाइला टेकेका छन् । सप्तरी घर भई हाल कतारलाई कर्मथलो बनाएका खड्काको यस क्षेत्र प्रतिको लगाव कोशी कलेजमा देख्न पाइन्छ ।

पहिलो साँगितिक कोसेली कोशी कलेजमा उनलाई चर्चित गायिका सिन्धु मल्लले साथ दिएकी छिन् । उकालीमा र टाईटल सङ्ग कोशी कलेज समावेश गरिएको एल्बमका गितलाई गायक स्वयमले रचना गर्नुका साथै संगित भरेका छन् ।

कलिलै उमेरदेखि संगितमा अथाह रुचि राख्ने खड्कालाई परिवारका सदस्यले पनि संगित क्षेत्रमा लाग्न प्रोत्साहन गरेको उनी बताउँछन् । नेपाली साँगितिक बजारको अवस्थासँग जानकार रहेका उनले निजि कम्पनी दर्ता गराई डेब्यु एल्बम कोशी कलेजलाई बजारमा ल्याएका हुन् । ठेट पुर्वेली भाषा समावेश गरिएका दुवै गितलाई सुरज मालीले रोचक ढंगले संयोजन गरेका छन् । कतारमा रहँदा विभिन्न साँगितक कार्यक्रममा सहभागिता जनाइसकेका खड्का चाँडै नै म्युजिक भिडियो निर्माण गर्ने तरखरमा छन् ।