पोखरामा अन्तर्राष्ट्रिय फिल्म महोत्सव,देश-विदेशका ५३ फिल्म देखाइने

https://artistnepal.com/

https://artistnepal.com/

"

माघको दोस्रो साता पोखरामा नेपाल अन्तर्राष्ट्रिय फिल्म फेष्टिवल हुने भएको छ । नेपाल चलचित्र तथा साँस्कृतिक प्रतिष्ठानको आयोजनामा हुने फिल्म फेष्टिवलमा १३ फिचर फिल्म र ४० सर्ट फिल्म प्रदर्शन गरिनेछन् ।

फेस्टिवलमा नेपालसहित थाइल्याण्ड, इराक, अमेरिका, बंगलादेश, जर्मनी, सिंगापुर, ताइवान, फ्रान्स, भारत, रसिया, चीन, ग्रीस, ब्राजिल, इटलीलगायतका मुलुकका फिल्मले भाग लिनेछन् । प्रतिस्पर्धिहरुबाट छनोट गरी उत्कृष्ट फिल्म, उत्कृष्ट नेपाल पानोरमा, उत्कृष्ट सर्ट फिल्म र उत्कृष्ट जुरी अवार्ड प्रदान गरिने छ ।

महोत्सवमा विभिन्न १० शीर्षकमा अन्तरसंवाद हुने छ । डा चैतन्य मिश्र, यादव खरेल, नवीन सुब्बा, सुरेश ढकाल यी बहसमा सहभागी हुनेछन् । रबिन्द्र अधिकारी, मणी थापा र विश्वप्रकाश शर्माले नेपाली सिनेमालाई राजनितीक दलले हेर्ने दृष्टिकोणबारे धारणा राख्ने छन् ।