आर्टिस्ट नेपाल
बिगत लामो समय देखी बिज्ञापन तथा म्युजिक भिडियोमा छायांकनमा राम्रो छाप बसाईसकेका अमृत सुनुवार भिडियो निर्देशन् प्रती पनि केन्द्रित हुन थालेका छन् । आशुशेन लामा, मलिना राई लगायतका आर्टिस्टको म्युजिक भिडियो निर्देशन् गरिसकेका अमृत सुनुवारले पछील्लो समय एक नयाँ गायक देब याक्थुङ लिम्बुको ‘हिड्दै छु…….’ बोलको गीतको पनि निर्देशन् गरेका हुन् ।
जोरपाटी स्थित क्लब मोसिसमा छायांकन गरिएको यस् गीतमा एउटा सानो असमजदारीले पनि मायामा तगारो उत्पन्न हुन्छ, तसर्थ आ-आफ्नो गल्ती स्विकार्न थाल्यो भने माया दिगो हुनेकुरालाई प्रस्टाउन खोजिएको कुरा निर्देशक अमृतले आर्टिस्ट नेपाललाई बताए ।
अमृत सुनुवारकै निर्देशन् तथा छायांकन तथा निशान घिमिरेको सम्पादनमा आगामी हप्ता रिलिज हुने यस् भिडियोमा एकदेब , क्रिस्टी र कन्चनले अभिनय गरेका छन् । आर एन्ड बि क्याटोगरीको यो गीतमा गायक देबलाई बिनु योन्जन तथा र्यापमा एम सी लुरेले साथ दिएका छन् ।
