चाबहिल स्थित विनायक सिद्ध कलेजले २ दिने क्लाेज क्याम्पको आयोजना

काठमाण्डौं / चाबहिल स्थित विनायक सिद्ध कलेजले २ दिने क्लाेज क्याम्पको आयोजना गरेकाे छ । कलेजले आफ्ना विद्यार्थीहरूको चौतर्फी विकास हाेस् भन्ने उदेश्यका साथ सिन्धुपाल्चोक स्थित नेशनल माउन्ट भ्यू रिसोर्टमा उक्त क्याम संचालन गरेकाे कलेजका प्रशासन प्रमुख नारायण बहादुर थापाले बताएका छन् ।

कार्यक्रममा सिन्धुपाल्चोक मेलम्ची नगरपालिका हैबुङ्ग वडा नं. ३ का वडाध्यक्ष बसन्त गुरूङ्ग, न्यू लाइफ नेपालका अध्यक्ष राजन खनाल, ठकुरी संजाल समाजका अध्यक्ष एवं जोनी जेन्टल मेन चलचित्रका प्रोडुसर अजय मल्ल ठकुरी लगायतहरूकाे सहभागिता रहेकाे थियाे । कार्यक्रममा बक्ताहरूले कलेजले बिद्यार्थीहरूकाे चौतर्फी विकासका लागि पठन पाठनसँगै यस किसिमको कृयाकलापहरू आगामी दिनहरूमा पनि संचालन हुनुपर्ने कुरामा जाेड दिएका थिए ।

क्याम्पमा बिद्यार्थीहरूलाई समूहमा बिभाजित गरि मनोरञ्जनात्मक खेलहरूसगैं विषयगत कार्यशाला, अन्तरक्रियाकलाप कार्यशाला, क्याम्प फायर लगायत बिद्यार्थीहरूले आफ्ना व्यक्तिगत रूपमा आफुले हासिल गरेको अनुभवहरू ब्यक्त गरेका थिए ।