टिप्सी बारमा ‘सम वर्ड अफ लभ” बिमोचित

नेपाली साङितिक क्षेत्रमा छोटो समयमै राईजमा आउन सफल राईज म्युजिकले दरबारमार्ग स्थित टिप्सि लन्च एन्ड बारमा नब गायक फराज अर्पणको ‘सम वर्ड अफ लभ’ बिमोचित भएको छ । राईज म्युजिकको प्रस्तुति रहेको उक्त एल्बमलाई संचारकर्मी कृष्ण भट्टराई, राई इज किङ्ग – राजेशपायल राई, राइज म्युजिकका संचालक बिनोद सिंहले सम्युक्त रुपमा बिमोचन गरेका हुन् ।

प्रयोगात्मक गिति सङ्ग्रहको रुपमा प्रस्तुत सम वर्ड अफ लभमा नेपाली साँगितिक क्षेत्रमा नयाँ गितकार, गायक तथा संगीतकारको रुपमा प्रस्तुत भएका फराज अर्पणले एल्बमको सम्पुर्ण गितको शब्द र संगीत सृजना गरेका हुन् ।

कक्षा ७ मा पढ्दा खाजा खाने पैसा जम्मा गरि १००० मा गितार किनेर संगीतको दुनियामा प्रबेश गर्ने सपना देखेका फराजले कक्षा ८ मा पढ्दा ‘मायाँ गर्थे’ बोलको गित पहिलो पटक कम्पोज गरेका थिए र उक्त गित २०६३ सालमा पहिलो पटक रेकर्ड गराएका थिए । सोहि गितलाई ब्रम्हाश्त्र ब्याण्डको सहयोगमा पहिलो पटक प्रज्ञा भबनमा प्रस्तुत गरेका फराजले त्यसपछि बिआईसीसी भबन लगायत दर्जनौँ स्टेज शो हरुमा आफ्नो कला देखाईसकेका छन् ।

साँचो प्रीत, पहिलो मायाँ, तिम्रो मायाँमा, मायाँ गर्थे गरि ६ गित सङ्ग्रहित उक्त एल्बममा पहिलो मायाँलाई शोभा बर्माले पनि साथ दिएकि छिन् भने मायाँ गर्थे गितलाई अनपल्गड भर्सनमा पनि उनले उक्त एल्बममा समाबेश गरेका छन् ।